آسواکانیوز(شنبه/۱۱سرطان/۱۴۰۱): محمد خالد حنفی، سرپرست وزارت امر به معروف و نهی از منکر در نشست عالمان دینی در تالار لویه جرگه می‌گوید، که آنان افراط و تفریط نمی‌کنند به دلیل این‌که اسلام دین اعتدال، صلح، امنیت، اخلاق و همد‌ردی است.
آقای حنفی افزوده است که در ۲۰ سال گذشته شهر کابل تحت نفوذ فکری اشغال‌گران بوده که آنان فرهنگ و اصولی برای مردم تحمیل کرده بودند که نه تنها با اسلام بل‌که با فرهنگ ملت افغانستان در تضاد قرار داشته.
هر چند امروز شنبه آخرین روز نشست عالمان دینی در تالار لویه جرگه گفته شده؛ اما بلال کریمی، معاون سخنگوی حکومت سرپرست طالبان می‌گوید، که احتمال می‌رود این نشست برای یک روز دیگر تمدید شود.
