آسواکانیوز(شنبه/۱۵اسد/۱۴۰۱): نظامیان اوزبیکستان و تاجیکستان رزمایش نظامی خود را بگونه مشترک به هدف تهدید احتمالی از خاک افغانستان در نزدیکی خط مرزی این کشور انجام دادند.
وزارت دفاع اوزبیکستان با نشر اعلامیه‌ای روز شنبه، ۱۵اسد گفته است که در این رزمایش روش‌های نبرد نزدیک، دفع حملات دشمن و تخلیه زخمیان به نمایش گذاشته شده است.
این در حالی است که پس از روی کار آمدن حکومت سرپرست طالبان، خاک اوزبیکستان و تاجیکستان چندین بار مورد حملات موشکی از جانب افغانستان قرار گرفت.
پیش از این کشورهای تاجیکستان و اوزبیکستان در نزدیکی مرز افغانستان آزمایش نظامی برگزار کرده بودند.
