آسواکانیوز(سه‌شنبه/۲۹سنبله/۱۴۰۱): رسانه‌های آمریکایی گزارش کرده است که بیش از ده‌ها هواپیمایی ارتش پیشین افغانستان که هنگام سقوط حکومت به تاجیکستان و اوزبیکستان منتقل شده بودند، برای مبازه با تروریزم به این دو کشور تسلیم داده شده است.
نشریه پولیتیکو به نقل از دو منبع آمریکایی نوشته است که هیئت آمریکایی در یک توافق غیر رسمی امنیتی، ده‌ها هواپیما ارتش پییشین افغانستان را برای مبارزه با تروریزم در مرزهای افغانستان به کشورهای تاجیکستان و اوزبیکستان سپرده است.
این هواپیماها هنگام سقوط حکومت پیشین توسط نیروهای هوایی ارتش افغانستان به کشورهای تاجیکستان و اوزبیکستان منقل شده بودند.
این در حالی است که وزیر دفاع حکومت طالبان این هواپیماها را مربوط افغانستان می‌داند و از کشورهای تاجیکستان و اوزبیکستان مکررآ درخواست بازگرداندن هواپیماها را کرده است.
