آسواکانیوز(یک‌شنبه/۱۷میزان/۱۴۰۱): شماری از شهروندان اهل هنود افغانستان در دیدار با شهردار کابل خوستار همکاری برای بازگرداندن زمین‌های غصب شده‌ای شان شدند.
ذبیح‌الله مجاهد، سخنگوی حکومت سرپرست طالبان روز یک‌شنبه، ۱۷میزان در رشته توییتی گفته است که شهردار کابل امروز با شماری از شهروندان سیک افغانستان دیدار کرده و آنان را از توجه‌ی شهرداری اطمینان داده است.
مجاهد همچنان افزوده است که شهروندان سیک افغان خواهان رهایی زمین‌های غصب شده شان از چنگ غاصبان شده‌اند.
آقای مجاهد در مورد غصب زمین‌های شهروندان اهل هنود معلومات نداده است.
پس از روی کار آمدن حکومت سرپرست طالبان اکثریت شهروندان اهل هنود افغانستان این کشور را ترک کردند و تعداد اندکی باقی مانده است که دولت هند وعده تخلیه آنان را داده است.
