آسواکانیوز(جمعه/۱۳عقرب/۱۴۰۱): خبرگزاری تاس روسیه گزارش داده است که روسیه در آینده نزدیک یک نشست مشورتی در باره افغانستان برگزار می‌کند. در این نشست طالبان دعوت نشده است.
خبرگزاری تاس روز پنج‌شنبه، ۱۲ عقرب به نقل ضمیر کابلوف، نماینده خاص روسیه در امور افغانستان گفته است که این نشست در روزهای آینده در برگزار می‌شود؛ اما از مقام‌های طالبان کسی دعوت نشده است.
این نشست با اشتراک نمایندگان کشورهای روسیه، چین، پاکستان، هند، تاجیکستان، قرقیزستان، قزاقستان، ترکمنستان و اوزبیکستان برگزار خواهد شد.
پیش از این نیز روسیه نشستی پیرامون افغانستان برگزار کرده بود که عبدالسلام حنفی به نمایندگی از طالبان اشتراک کرده بود.
