آسواکانیوز(دوشنبه/۱۴قوس/۱۴۰۱): ندا محمد ندیم، سرپرست وزارت تحصیلات عالی در سفرش به ولایت هرات می‌گوید که امتیازات «افراد طالبان» به اندازه ماین‌های منفجر کرده‌اش در جریان جنگ ۲۰ سال اخیر تعیین شود.
وزیر تحصیلات عالی در جریان سخنرانی خود در ولایت هرات تاکید می‌کند که افراد دموکرات، اعضای حزب التحریر، جمعیت اصلاح و خارجی‌ها در دانشگاه‌ها جای ندارند.
آقای ندیم که روز یک‌شنبه، ۱۳قوس در جمع از استادان سخنرانی می‌کرد، گفت که هیچ کس حق ندارد از عالمان دین امتحان بگیرد.
سرپرست وزارت تحصیلات به استادان دستور داده است، افراد طالبان به اندازه زحمات که در جریان جنگ‌ها کشیده اند به همان اندازه امتیاز داده شود.
گفتنی است که وزیر تحصیلات عالی چند روز پیش در یک پیام تصویری می‌گوید که فرستادن دختران به مکتب فرهنگ خارجی‌ها است و آن را شاه امان الله خان به افغانستان وارد کرده است.
