آسواکانیوز(شنبه/۱۹قوس/۱۴۰۱): مسوولان در وزارت معارف حکومت سرپرست طالبان می‌گویند که ۲۰ هزار عالم دین را در ادارات دولتی جابجا می‌کنند.
سید غیاث‌الدین، مشاور وزارت معارف در یک نشست در ولایت فاریاب گفته است که در بیست سال گذشته به عالمان دین توجه صورت نگرفت و این حکومت تصمیم دارد ۲۰ هزار عالم را جذب ادارات دولتی کند.
او همچنان افزوده است، مدرسه‌های دینی را در اولویت قرار می‌دهند و از مدرسان حمایت می‌کنند.
عالمان دین در این ولایت از نبود امکانات و عدم رسیدگی به چالش‌های مدارس دینی شکایت کرده اند و خواستار حمایت مدارس خصوصی شدند.
گفتنی است که پس از به قدرت رسیدن حکومت سرپرست، منصب‌های کلیدی در حکومت توسط عالمان دین مدیریت می‌شود که همواره با شکایت شهروندان در قبال تخصص‌گرایی همراه بوده.
