افغانستان
پولیس پنجاب دست کم ۸۳ مهاجر افغان را به ظن باج‌گیری و آدم‌ربایی بازداشت کرده است!
آسواکانیوز(شنبه/۱۰جدی/۱۴۰۱): منابع در پاکستان می‌گویند که پولیس پنجاب در شهر راولپندی پاکستان دست کم ۸۳ مهاجر افغان را به دلیل باج‌گیری و آدم‌ربای با مقداری اسلحه بازداشت کرده است.
به گفته منابع، پولیس پنجاب همراه با واحد‌های ویژه کماندو علمیاتی را در منطقه «چکری» جای که مهاجران افغان به شکل غیر قانونی سکونت دارند، راه‌اندازی کرده است.
گفته می‌شود افراد بازداشت شده سند قانونی ندارند و در شهرک‌های غیر قانونی در منطقه «چکری» زندگی می‌کردند.
پولیس پنجاب ادعا کرده است که این مهاجران دست به آدم‌ربای، انتقال سلاح و باج‌گیری می‌زدند.
گفتنی‌ست که بیش از ۱۲۰۰ مهاجر غیر قانونی افغان در زندان‌های پاکستان به سر می‌برند.
