آسواکانیوز(شنبه/۱۰جدی/۱۴۰۱): حامد کرزی، رییس جمهوری پیشین وضعیت مهاجران افغان به ویژه زنان و کودکان که در زندان‌های پاکستان به سر می‌برند را تاسف‌بار خوانده و برخورد حکومت پاکستان با آنان را خلاف ازرش‌های انسانی و جهانی عنوان کرده است.
رییس جمهوری پیشین افغانستان از حکومت پاکستان خواسته که با مهاجران افغان همانند انسان‌های متمدن و نیک مطابق به موازین و اصول سازمان‌های جهانی حقوق بشری برخورد و رفتار نماید.
حامد کرزی در تویتی که ناوقت روز جمعه، ۹جدی منتشر کرده از سازمان ملل متحد و نهادهای جهانی حقوق بشر خواسته که برای آزادی مهاجران افغان که در زندان‌های پاکستان به‌سر می‌برند، گام‌های عملی بردارند.
