هبت‌الله آخندزاده در دیدار با شماری از رییسان شورا‌های علما بر حل مشکل‌های مردم تاکید کرد!

آسواکانیوز(سه‌شنبه/۱۳جدی/۱۴۰۱): ذبیح الله مجاهد، سخنگوی حکومت سرپرست ط‌البان می‌گوید، که ملا هبت‌الله آخندزاده، رهبر ط‌البان با رییسان شوراهای علمای ولایت‌های قندهار، هلمند، زابل، نیمروز، فراه، پکتیکا و پکتیا دیدار کرده است.

در این دیدار که شماری از مقام‌های وزارت‌‌خانه‌ها نیز حضور داشته‌‌اند، آقای آخندزاده به رییسان شورا‌های علما گفته که با ایجاد این شوراها شمار زیاد مشکل‌های مردم حل شده و برای حل مشکل‌های مردم بیشتر توجه شود.

رهبر ط‌البان در این نشست گفته است که عالمان دینی قشری استند، که مسوولیت‌های شان تا آغاز قیامت هم ختم نمی شود.