گفتگو میان جبهه مقاومت و ا.ا.ا در شهر دوشنبه با میانجی گری پاکستان و تاجیکستان برگزار می شود!
آسواکا نیوز(شنبه/۲۷سنبله/۱۴۰۰): امام علی رحمان، رییس جمهوری تاجیکستان و عمران خان، نخست وزیر پاکستان در یک نشست مطبوعاتی اعلام کردند که مذاکرات میان نیروهای مقاومت ملی افغانستان و طالبان احتمال دارد به زودی در شهر دوشنبه تاجیکستان برگزار شود.
عمران خان گفته است که توافق کرده اند که تاجیکستان با رهبران پنجشیر و پاکستان با طالبان صحبت کند تا هر چه زودتر هر دو جانب به میز گفتگو در شهر دوشنبه حاضر شوند. همچنان امام علی رحمان نیز گفتند که پاکستان و تاجیکستان از بهر کمک در مذاکرات میانجی گری خواهند کرد.
آقای رحمان همچنان تاکید کرد که توافق صورت گرفته است که در مذاکرات میان طالبان و تاجیک ها در شهر دوشنبه کمک کنیم.
طالبان پس از سه هفته از تصرف کابل اعلام کردند که پنجشیر را که در نیروهای جبهه مقاومت فعالیت داشتند را به گونه کامل در اداره خود در آوردند؛ اما نیروهای جبهه مقاومت به رهبری احمد مسعود گفتند که نیروهای آنان در بخش های زیاد این ولایت فعالیت دارند و با طالبان مبارزه خواهند کرد.
