آسواکانیوز(دوشنبه/۱۰عقرب/۱۴۰۰): قاری فصیح الدین، رییس ستاد ارتش کابینه موقت طالبان در یک نشست خبری گفته که اجساد نظامیان حکومت پیشین در بیمارستان محمد داوود خان تا اکنون نگه‌داری می‌شوند.
فصیح الدین، این موضوع را در ولسوالی بهارک ولایت بدخشان ابراز کرده و گفت که حکومت پیشین و طالبان تلاش کرده‌اند که بسته‌گان اجساد نظامیان پیشین افغان را پیدا کرده آن‌ها را تسلیم شان کنند؛ اما موفق به این کار نشده‌اند.
رییس ستاد هم‌چنان افزود که یک کانتینر پر از اجساد نظامیان پیشین در بیمارستان محمد داوود خان نگه‌دارب می‌شود و تلاش برای پیدا کردن خانواده های آن‌ها جریان دارد.
در این نشست خانواده های اعضای طالبان که در جنگ بیست ساله افغانستان قربانی داده‌اند از حکومت کنونی خواستار رسیده‌گی به مشکل های اقتصادی شان شده‌اند.
