افغانستان

عبدالله عبدالله ام روز دوشنبه با اندریس لیندمن، سفیر ناروی دیدار و گفت‌وگو کرد!

آسواکانیوز(دوشنبه/۲۷جدی/۱۴۰۰): عبدالله عبدالله، رییس شورای عالی مصالحه ملی پیشین افغانستان با اندریس لیندمن، سفیر ناروی و هیات هم‌راه وی در کابل دیدار و گفت‌وگو کرده است.

این دیدار که ام‌روز دوشنبه ۲۷ جدی در کابل صوتر گرفته است، آقای عبدالله در فیسبوک‌ خود نگاشته: «در این دیدار سفیر ناروی ضمن تاکید بر دوام کمک های جامعه جهانی به مردم افغانستان، ابراز امیدواری کرد که شرايط بهتر زندگى براى مردم افغانستان مهيا گردد.»

عبدالله عبدالله می‌گوید، سفیر ناروی تاکید ورزید که در هرگونه شرایط همکاری‌های شان را با مردم افغانستان ادامه می‌دهند.

عبدالله عبدالله می‌افزاید که در این دیدار با سفیر ناروی، از کمک های کشور ناروی به مردم افغانستان استقبال کرده و تلاش های آن کشور را در روند صلح و گفت‌وگوهای صلح دوحه ستوده است و می‌گوید: «تاکید کردم که در شرايط فعلى مردم افغانستان نياز جدى به کمک های جامعه جهانی دارند.»

مقالات مرتبط

جواب دهید

Back to top button