عبدالله عبدالله با مایکل کیتنگ، رییس انستیتوت صلح اروپا دیدار و گفت‌وگو کرده است!

آسواکانیوز(جمعه/۱۳حوت/۱۴۰۰): عبدالله عبدالله، رییس مصالحه ملی در حکومت پیشین می‌گوید، با مایکل کیتنگ، رییس انستیتوت اروپا دیدار و درباره وضعیت‌جاری افغانستان و افزایش کمک‌های بشری به کشور گفت‌وگو کرده‌اند.

آقای عبدالله در فیسبوک خود نگاشته که در این دیدار آقای کیتنگ تاکید ورزیده است که اروپا کمک‌های بشری به افغانستان را ادامه می‌دهد و ابراز امید‌واری کرده که در افغانستان ثبات تامین و شرایط بهتر برای مردم فراهم شود.

عبدالله عبدالله می‌گوید، کمک‌های که تا کنون به افغانستان صورت گرفته نمی‌تواند جلو بحران بشری در کشور را بگیرد و افغانستان نیاز به افزایش کمک‌های فوری جهان دارد.