عبدالله در دیدار با معاون نماینده ویژه منشی سازمان ملل به او آرزوی موفقیت کرد!

آسواکانیوز(دوشنبه/۲۹حمل/۱۴۰۱): عبدالله عبدالله، رییس شورای عالی مصالحه ملی پیشین امروز دوشنبه ۲۹حمل با مته نودسن، معاون نماینده‌ ویژه سر منشی سازمان ملل متحد دیدار و گفت‌گو کرده است.

آقای عبدالله از این دیدار در فیسبوک خود خبر داده و می‌گوید، که با خانم نودسن درباره وضعیت جاری افغانستان، روند آموزش و پرورش و مشکل‌های شهروندان افغان بحث کرده‌اند.

رییس شورای عالی مصالحه ملی پیشین افغانستان از فعالیت‌های خانم نودسن برای افغانان سپاس‌گزاری و برای او آرزوی موفقیت کرده است.