آسواکانیوز(دوشنبه/۵ثور/۱۴۰۱): سراج‌الدین حقانی، سرپرست وزارت امور داخله با تازه‌گی از شهروندانی که به بیرون از کشور رفته‌اند، خواسته که دوباره به افغانستان بازگردند.
سرپرست وزارت داخله تاکید کرده که مقام‌های بلند رتبه‌ی حکومت پیشین، با عزت و سلامت در کشور به سر می‌برند و افزوده که حکومت کنونی از عزت، ناموس و مال همه شهروندان افغان حفاظت می‌کند.
آقای حقانی هم‌چنان از نیروهای امنیتی-دفاعی طالبان خواسته است که از استفاده نا درست وسایط، وسایل و تجهیزات دولتی و غیر دولتی خود داری کنند.
