افغانستان
پامرشیم: آمریکا قصد ندارد که هلیکوپترها و هواپیماهای نظامی افغانستان که به تاجیکستان منتقل شدهاند را به طالبان بسپارد!

آسواکانیوز(پنجشنبه/۲۲ثور/۱۴۰۱): جان مارک پامرشیم، سفیر آمریکا در تاجیکستان میگوید، آمریکا هیچگونه قصدی ندارد که هلیکوپترها و هواپیماهای نظامی که در سال ۲۰۲۱ میلادی در جریان سقوط دولت افغانستان به تاجیکستان منتقل شدهاند را دوباره به طالبان تحویل دهد.
خبرگزاری مستقل اسیا پلاس در تاجیکستان گزارش داده است که سفیر آمریکا در این کشور گفته است که این هواپیماها و هلیکوپترها متعلق به دولت طالبان نیستند. همچنان پامرشیم درباره گفتوگوهای آمریکا و تاجیکستان درباره این موضوع جزییاتی ارایه نکرده است.
بر بنیاد گزارشها در جریان سقوط دولت افغانستان به دست طالبان، در حدود ۱۵۰ فروند هواپیمای نظامی و هلیکوپتر دولت افغانستان به تاجیکستان و کشورهای همسایه منتقل شده است.