آسواکانیوز(چهارشنبه/۲۸ثو/۱۴۰۱): سراج‌الدین حقانی، سرپرست وزارت داخله حکومت سرپرست طالبان می‌گوید، که آنان به حقوق همه شهروندان افغانستان متعهد اند.
هم‌چنان آقای حقانی در گفت‌وگو با سی‌ان‌ان افزوده است که فرمان حجاب از سوی وزارت امر به معروف و نهی از منکر اجباری نیست.
سرپرست وزارت داخله گفته است: «ما زنان را مجبور به پوشیدن حجاب نمی‌کنیم، بلکه به آنان توصیه می‌کنیم و این یک دستور اسلامی است که باید عملی شود.»
