آسواکانیوز(سه‌شنبه/۳۱جوزا/۱۴۰۱): فرماندهی مرکزی آمریکا «سنتکام» گفته است که چرخ‌بال‌های حکومت پیشین افغانستان که هنگام سقوط به تاجیکستان انتقال داده شد، ممکن به تاجیکستان واگذار شود.
خبرگزاری رویترز به نقل از جنرال آمریکایی گزارش کرده است که چرخ‌بال‌های که در زمان سقوط حکومت پیشین افغانستان به تاجیکستان منقل شد، در اختیار طالبان قرار نخواهد گرفت.
جنرال مایکل کوریلا، در سفرش به تاجیکستان گفته است که آمریکا تصمیم دارد چند یا تمام این چرخ‌بال‌ها را به دولت تاجیکستان بدهد.
این در حالی است که طالبان چندین بار از کشورهای تاجیکستان و اوزبیکستان خواسته اند که چرخ‌بال‌ها را به حکومت سرپرست طالبان تسلیم کنند.
شماری از چرخ‌بال‌های که از طرف آمریکا به ارتش حکومت پیشین افغانستان کمک شده بود، هنگام سقوط نظام توسط پیلوت‌ها به اوزبیکستان و تاجیکستان منتقل شدند.
