آسواکانیوز(شنبه/۱اسد/۱۴۰۱): عبداللطیف منصور، سرپرست وزارت انرژی و آب حکومت سرپرست طالبان امروز شنبه،اول اسد در نشستی از جامعه جهانی خواست که پروژه‌های عامه در افغانستان را پشتیبانی کند. او می‌افزاید که کامندان پیشین این وزارت به اکنون به عنوان مشاوران وزارت انرژی و آب کار می‌کنند.
آقای منصور می‌گوید که تلاش دارند تا نهادهای انرژی، آب و برق را در یک نهاد بسیج نمایند. او هم‌چنان می‌گوید، که در حکومت پیشین، بودجه شرکت ملی برق‌رسانی «برشنا» به نهادهای دیگر اختصاص داده شده بود و شمار از پروژه‌های این وزارت نیمه‌کاره مانده‌اند.
در کنار این سرپرست وزارت انرژی و آب می‌گوید، که حکومت پیشین بیش از ۳۵ میلیون دالر قرض‌داری‌های برق را به کشورهای ازبکستان، تاجیکستان و ایران پرداخت نکرده بود.
