آسواکانیوز(سه‌شنبه/۳جوزا/۱۴۰۱): رییس گمرک شیرخان بندر، از بندرهای مهم تجارتی میان افغانستان و تاجیکستان در کندز می‌گوید، که این بندر روز دوشنبه، دوم جوزا به روی رفت و آمد تاجران، اموال تجارتی و عموم شهروندان بازگشایی شده است.
کلیم‌الله مجاهد می‌افزاید که شیرخان بندر به دلیل این‌که تاجیکستان در آن سوی بندر از ماه به این‌سو حتی شهروندان افغان که با خود ویزا داشتند را هم اجازه عبور به خاک خود نمی‌داد، به روی رفت و آمد از سویی مسوولان بسته شده بود.
او می‌گوید، که در جریان بسته بودن این بندر از سوی تاجیکستان قبلاً، افراد و موترها اجازه عبور از سوی مسوولان شیرخان بندر در کندز به تاجیکستان را داشتند و اکنون تاجیکستان تعهد کرده که عمل بالمثل خواهد داشت.
بر بنیاد گزارش‌ها در جریان بسته بودن این بندر، ده‌ها راننده‌گان تاجیکستان و وسایط این کشور در خاک افغانستان گیرمانده بودند.
