آسواکانیوز(سه‌شنبه/۲۴جوزا/۱۴۰۱): دین محمد حنیف، سرپرست وزارت اقتصاد حکومت سرپرست طالبان می‌گوید، که در طی ۲۰ سال گذشته ده‌ها میلیارد دالر به افغانستان سرازیر شد؛ اما کار بنیادی که کشور را از وابسته‌گی‌های اقتصادی بیرون سازد، صورت نگرفته است.
کارشناسان اقتصادی می‌گویند، که در جریان ۲۰ سال گذشته، بیشتر پول که افغانستان سرازیر شده است، برای پیش‌برد جنگ بوده است و کار‌های بنیادی به دلیل درگیری‌های جاری در کشور عملی نشده.
دین محمد حنیف با انتقاد می‌افزاید که افغانستان سالانه درحدود ۳۴۰ میلیون دالر پول صرفیه برق به کشورهای بیرونی پرداخت می‌کند.
