آسواکانیوز(چهارشنبه/۲۲سرطان/۱۴۰۱): محمد عمر آسوزاده، رییس شرکت ملی برق تاجیکستان گفته است که حکومت سرپرست طالبان بدهی برق را نپرداخته است.
او این سخنان را در یک نشست خبری به روز سه‌شنبه، ۲۱ سرطان بیان کرده است.
آقای آسوزاده گفته است که قرار بود افغانستان قرضه برق خود را بشکل تدریجی بپردازد؛ اما تا اکنون هیچ نوع پرداختی صورت نگرفته است.
او همچنان افزود که تاجیکستان روزانه نُه میلیون کیلووات برق در ساعت به افغانستان صادر می‌کند.
مسوولان شرکت برق تاجیکستان تاکید کرده اند که قرار بود افغانستان بدهی خود را در ماه فیبروری سال جاری بپردازد اما؛ اما تا اکنون نپرداخته است.
تاجیکستان یکی از کشورهای صادر کنند برق به افغانستان است.
