جهان
عمران خان: دولت پاکستان به نفع مردم نیست و برای عملی کردن دستورهای واشنگتن فعالیت می‌کند!
آسواکانیوز(سه‌شنبه/۲۴جوزا/۱۴۰۱): عمران خان، نخست‌وزیر پیشین پاکستان دولت شهباز شریف، نخست‌وزیر کنونی این کشور را به دلیل بلند رفتن قیمت‌ها در پاکستان مورد انتقاد تُند قرار داده است.
رهبر حزب تحریک انصاف پاکستان در یک گردهمایی دهقانان در اسلام‌آباد گفته است، در حالی که هند متحد آمریکا از روسیه نفت می‌خرد؛ اما برده‌گان آمریکا در پاکستان جرات این کار را ندارند.
عمران خان می‌گوید، که از زمانی که دولت واردات پاکستان را در کنترل خود گرفته است، بهای همه چیز در این کشور بلند رفته و در حال بلند رفتن قرار دارد.
هم‌چنان عمران خان می‌گوید، که دولت کنونی به رهبری شهباز شریف پاکستان به نفع مردم نیست و برای عملی کردن دستورهای آمریکا در پاکستان فعالیت می‌کند.
او می‌افزاید که حکومت پاکستان برای خرید نفت، با روسیه گفت‌وگو کرده است.
